Pemerintah Desa Gunaksa sampun prasida ngamargiang Parikrama Bulan Bahasa Bali VIII sane mabantang "Atma Kerthi Udiana Purnaning Jiwa" sane kamargiang ring tanggal 24-25 Februari Warsa 2026 antuk makudang-kudang wimbakara minakadi :
1. Wimbakara Ngawarni/mewarnai sapantaraning TK sane kasarengin antuk 125 diri pamilet
2. Wimbakara Nyurat Aksara Bali sapantaraning SD sane kasarengin antuk 15 diri pamilet
3. Wimbakara Gending Rare sapantaraning SD sane kasarengin antuk 6 diri pamilet
4. Wimbakara Pidarta sapantaraning Yowana sane kasarengin antuk 4 diri pamilet
Sane nyarengin taler parikrama inucap inggih punika Perbekel Desa Gunaksa kasarengin perangkat Desa miwah staf admin, Bandesa Adat Gunaksa, Manggala LPM Desa Gunaksa, Manggala TP-PKK Desa Gunaksa, Panureksa risajeroning wimbakara, pamilet wimbakara , Babinsa miwah Babinkabtibmas Desa Gunaksa.
Pemerintah Desa Gunaksa ngaturang paramasuksma majeng ring pamilet wimbakara Nyurat Aksara Bali, pamilet wimbakara Ngawarni, Pamilet wimbakara Gending rare, pamilet wimbakara Pidarta miwah uleman sami antuk antusiasnyane sampun prasida ngamiletin parikrama Bulan Bahasa Bali VIII Desa Gunaksa Warsa 2026
Pemerintah Desa Gunaksa taler ngaturang Rahajeng majeng sane sampun ngemolihang Jayanti risajeroning wimbakara Bulan Bahasa Bali VIII Desa Gunaksa Dumogi pikolih punika prasida mawiguna.
